हे वाचलत का ?

HOME › हे वाचलत का ?

वाचकांच्या प्रतिक्रिया

राजहंस पुस्तक पेठ चालविणारे संजय भास्कर जोशी यांच्याशी झालेल्या प्रत्यक्ष भेटीत पुस्तकांवर मनापासून प्रेम करणारा माणूस मी पाहिला. श्री. जोशींनी अनेक पुस्तकांची पेठेतच ओळख करून दिली. सातत्याने ते वाचकांसाठी ऑनलाईनच्या माध्यमातून अनेक उपक्रम राबवत असतात. बाजारात नवीन आलेल्या पुस्तकांची ओळख अतिशय मार्मिक शब्दांमध्ये करून देत असतात. त्यामुळे आमच्यासारख्या ग्रामीण भागात राहणाऱ्या वाचकांनाही नवीन पुस्तके खरेदी करण्याचा एक उत्साह निर्माण होतो, नवीन पुस्तकाबद्दलची उत्कंठा वाढीला लागते. हे काम फक्त श्री संजय भास्कर जोशीच करतात असे नव्हे तर या पुस्तक पेठेतील देवघेव करणारा प्रत्येक सदस्य हा पुस्तकांशी जोडला गेला आहे त्यामुळे राजहंस मध्ये येऊन पुस्तकं खरेदी करणं हा दिवाळी सारखाच आम्हा वाचकांसाठी मोठा उत्सव असतो. या राजहंस पुस्तक पेठेला माझ्या मनापासून शुभेच्छा

-डॉ वर्षा फाटक देवरुख , रत्नागिरी

राजहंस पुस्तक पेठ हे माझ्यासाठी केवळ दुकान नाही. जणू काही ते एक मंदिर आहे. भक्त ज्याप्रमाणे मंदिरात जातात त्या प्रमाणे मी माझ्यासाठीच्या पुस्तकं मंदिरात नियमित जातो. इथं घरपण जाणवतं. स्वतः संजय भास्कर जोशी आणि सर्व स्टाफ ज्या आत्मियतेनं बोलतात, पुस्तकांची माहिती देतात, ग्राहक संतुष्ट झाल्याशिवाय राहतच नाही. एकदा अनुभव घ्या, परत परत जातच राहाल. I Love पुस्तक पेठ.

- दीपक पळशीकर, पुणे.

राजहंस पुस्तक पेठ यांच्यासोबत चा पुस्तक खरेदीचा माझा अनुभव चांगला आहे. पार्सल सुविधा पण चांगली आहे वेळेत पुस्तके मिळतात. आणि वाचकांसाठी विशेष सवलती पुस्तके मिळतात, जर पुस्तक उपलब्ध नसेल तर मागून सुद्धा देतात.

- गंगाधर दळवी , मुंबई

राजहंस पुस्तक पेठ

पुस्तक पेठ सर्व वयोगटातील आणि अभिरुचीच्या पुस्तकप्रेमींसाठी मराठी आणि इंग्रजी दोन्ही पुस्तकांचा खजिना सादर करते.